సినీ నటి హేమ సహా 86 మందికి డ్రగ్‌ పాజిటివ్‌..

బెంగళూరు రిపోర్ట్- కర్ణాటక రాజధాని బెంగళూరు రేవ్‌ పార్టీలో (Bangalore rave party) మొత్తం 86 మంది డ్రగ్స్ తీసుకున్నట్లు వైద్య పరీక్షల్లో తేలింది. ఈమేరకు బెంగళూరు సెంట్రల్ క్రైమ్ బ్రాంచ్ పోలీసులు గురువారం ప్రకటించారు. రేవ్ పార్టీలో పాల్గొన్న 73 మంది పురుషుల్లో 59 మందికి, 30 మంది మహిళల్లో 27 మందికి వైద్య పరీక్షలో డ్రగ్‌ పాజిటివ్‌ వచ్చిందని వారు తెలిపారు. డ్రగ్ పాజిటివ్ వచ్చిన వారిలో తెలుగు సినీ నటి హేమ (Actress Hema), యువ నటి ఆశూ రాయ్‌ సైతం ఉన్నారని పోలీసులు పేర్కొన్నారు. ఈ కేసుకు సంబందించిన విచారణకు హాజరు కావాలని వారందరికీ నోటీసులు పంపిస్తామని స్పష్టం చేశారు. రేవ్ పార్టీ జరిగిన ఫాంహౌస్‌ నుంచి 15.45 గ్రాముల ఎండీఎంఏ ట్యాబ్లెట్స్, 6.2 గ్రాముల కొకైన్, ఆరు గ్రాముల హైడ్రో గంజాయితో పాటు సెల్‌ఫోన్లు, కార్లు సీజ్‌ చేసినట్లు బెంగళూరు పోలీసులు తెలిపారు.