Newspillar

రెజ్లర్ల సమస్యల పరిష్కారానికి కొనసాగుతున్న చర్చల మధ్య, ఈ విషయం పూర్తిగా పరిష్కారమైతే తప్ప తాము ఆసియా క్రీడల్లో పాల్గొనబోమని గ్రాప్లర్ సాక్షి మాలిక్ శనివారం తెలిపారు. సోనిపట్‌లో విలేకరులతో మాలిక్ మాట్లాడుతూ, రెజ్లర్లు ప్రతిరోజూ మానసికంగా ఏం అనుభవిస్తున్నారో ఎవరికీ అర్థం కావడం లేదని అన్నారు. లైంగిక వేధింపుల ఆరోపణలపై అవుట్‌గోయింగ్ రెజ్లింగ్ ఫెడరేషన్ ఆఫ్ ఇండియా (WFI)  ప్రెసిడెంట్ బ్రిజ్ భూషణ్ శరణ్ సింగ్ రాజీనామా చేయాలని డిమాండ్ చేస్తున్నట్లు చెప్పారు. రెజ్లర్ల భవిష్యత్తు కార్యాచరణపై నిర్ణయం తీసుకోవడానికి మహాపంచాయత్‌కు హాజరయ్యేందుకు సాక్షి మాలిక్ సోనిపట్ చేరుకున్నారు.

ఈ సమస్యలన్నీ పరిష్కారం అయినప్పుడే ఆసియా క్రీడల్లో పాల్గొంటామని, మానసికంగా ఎంతగా అలసిపోయామో, మనం రోజూ ఏం చేస్తున్నామో అర్థం కావడం లేదని సాక్షి పేర్కొంది. ఈ నెలలో ఆసియాడ్‌కు సంబంధించిన ట్రయల్స్ జరగనున్న తరుణంలో సాక్షి ఈ వ్యాఖ్యలు చేయడం గమనార్హం. నిరసనలో పాల్గొన్న వారితో సహా రెజ్లర్లందరూ ట్రయల్స్‌లో పోటీ పడాలి మరియు 2023 సెప్టెంబర్ 23 నుండి అక్టోబర్ 8 వరకు చైనాలోని హాంగ్‌జౌలో జరిగే ఆసియా క్రీడల కోసం భారత జట్టులో తమ స్థానాన్ని సంపాదించుకోవాలి.

అంతకుముందు బుధవారం, సాక్షి, బజరంగ్ పునియా మరియు ఇతరులు కేంద్ర క్రీడా మంత్రి అనురాగ్ ఠాకూర్‌ను అతని ఇంటిలో కలిశారు. ఇక  పోలీసు విచారణ పూర్తి చేయడానికి ప్రభుత్వం జూన్ 15 వరకు సమయం కోరిందని సాక్షి చెప్పారు. జూన్ 15 వరకు ఎలాంటి నిరసనలు ఉండవు కానీ డబ్ల్యూఎఫ్‌ఐ చీఫ్‌పై మా ఉద్యమం కొనసాగుతుందని ఆమె తెలిపింది.